Azərbaycan, Bakı, 30 yanvar / Trend , müxbir Ü.İsmayılova/
Bakı Rieltorları Assosiasiyası öz statusunu dəyişir. Bu barədə şənbə günü Assosiasiyanın icraçı direktoru Elnur Azadov deyib.
"Hazırda Assosiasiyanın adının dəyişilməsinə dair işlər aparılır", - Azadov deyib.
Onun sözlərinə görə, müvafiq sənədlərin hazırlanması və onların Ədliyyə Nazirliyinə yenidən rəsmiləşşdirilməyə göndərilməsinə dair işlər aparılır.
Azadovun sözlərinə görə, Assosiasiyanın adının və statusunun dəyişdirilməsində əsas məqsəd Assosiasiyanın fəaliyyətinin əhatə dairəsini ölkənin regionlarında genişləndirməkdən ibarətdir.
Bakı Rieltorları Assosiasiyası öz fəaliyyətini ölkənin regionlarında inkişaf etdirmək niyyətindədir, Assosiasiyanın Prezidenti Vəfadar Axundov əvvəl deyib.
"Ölkənin regionlarında daşınmaz əmlak bazarında bu fəaliyyətin peşəkar ikişafına tələbat var", -Axundov deyib.
Axundovun sözlərinə görə, həmçinin, ölkənin daşınmaz əmlak bazarları üzrə statistik məlumatların aparılması məqsədilə regional realtorların da Assosiasiyaya üzv etmək niyyətindədir.
Assosiasiyanın təsisçiləri "MBA Group" şirkəti, "New Europe" və "Baki Emlak" rieltor şirkətləridir. Assosiasiya 2008-ci ilin oktyabrında Azərbaycan Ədliyyə Nazirliyində qeydiyyatdan keçib. Bu gün assosiasiyanın 16 üzvü var və daha altı rieltor üzv olmaq üçün müraciət edib.
Assosiasiyanın əsas vəzifələri Azərbaycanda rieltor fəaliyyəti funksiyalarının standartlarını müəyyən etmək, xüsusi peşəkar hazırlıq mərkəzləri yaratmaq, həmçinin rieltorların sertifikatlaşdırılması sistemini tətbiq etməkdir. Assosiasiyaya üzvlük haqqı hüquqi şəxslər üçün 300 manat, fiziki şəxslər üçün 100 manatdır.
