...

Yanvar ayında Azərbaycanda bələdiyyə torpaqlarının satışı üzrə 35 hərrac keçirilib

Biznes və iqtisadiyyat xəbərləri Materials 18 Fevral 2010 20:47 (UTC +04:00)

Trend-i buradan izləyin

Azərbaycan, Bakı, 18 fevral / Trend , müxbir Ü.İsmayılova/

Yanvarda Azərbaycanda bələdiyyə torpaqlarının satışı üzrə 35 hərrac və müsabiqə keçirilib. Bu barədə cümə axşamı Dövlət Torpaq və Xəritəçəkmə Komitəsindən deyilib.

Azərbaycanda 2009-cu ildə bələdiyyə torpaqlarının satışı üzrə 685 hərrac və müsabiqə keçirilib. İlk iki hərrac mart ayında Abşeron rayonunda keçirilib. Apreldə 4, mayda 8, iyunda 40, iyulda 13, avqustda 23, sentyabrda 92, oktyabrda 204, noyabrda 209, dekabrda isə 90 hərrac keçirilib.

Azərbaycan Prezidentinin 10 dekabr 2008-ci il tarixli fərmanına əsasən yerli özününidarəetmə orqanlarının torpaqları yalnız hərrac vasitəsilə satılır. Onların verilməsi üzrə səlahiyyət Dövlət Torpaq və Xəritəçəkmə Komitəsinə həvalə edilib. Əvvəllər bu səlahiyyətə bələdiyyələr sahib idi.

Şəhadətnaməyə görə, mülki və torpaq qanunvericiliyinə əsasən, hərracda qalib gələn hüquqi və ya fiziki şəxslərin bələdiyyə torpaqları barədə müqaviləsi 20 gündən gec olmayaraq Dövlət Komitəsinin yerli strukturları ilə bağlanılır.

Xəbər lenti

Xəbər lenti