...

Azərbaycanın bank sektorunun kapitallaşması yanvar ayı ərzində 1,1 faiz azalıb

Biznes və iqtisadiyyat xəbərləri Materials 26 Fevral 2010 20:49 (UTC +04:00)
Yanvar ayı ərzində Azərbaycanın bank sektorunun kapitallaşması 1,1 faiz azalaraq 1983,79 milyon manat təşkil edib. Bu barədə cümə günü Azərbaycan Mərkəzi Bankından (AMB) məlumat verilib.

Trend-i buradan izləyin

Azərbaycan, Bakı, 26 fevral/ Trend , müxbir N.İsmayılova/

Yanvar ayı ərzində Azərbaycanın bank sektorunun kapitallaşması 1,1 faiz azalaraq 1983,79 milyon manat təşkil edib. Bu barədə cümə günü Azərbaycan Mərkəzi Bankından (AMB) məlumat verilib.

AMB-nin statistik məlumatlarına əsasən, 2010-cu il yanvar ayının sonuna 42 bankın kapitalı 10 milyon manatı ötüb. İlin əvvəlində bankların sayı 43 olub. Bu kateqoriyalı bankların ümumi kapital həcmində xüsusi çəkisi 98,6 faizdən 97,8 faizədək azalıb.

Iki bankın (0,8 faizlik xüsusi çəki ilə) kapitalı 5 milyon manatdan 10 milyon manatadək formalaşıb. Bankların biri (0,3 faiz) onu 3,5 milyon manatdan 5 milyon manatadək, digəri isə (0,2 faiz) 3,5 milyon manatadək həcmdə ödəyib.

2009-cu ilin yekunları üzrə ölkədə bir bank likvidasiya prosesini başa çatdırıb, və iki bank isə hələ prosesə davam edir. 2009-cu il yanvar ayının birində ölkədə 3 bank likvidasiya prosesində olub.

Hesabat dövründə respublika ərazisində bank fəaliyyətini apаrmaq üçün lisenziyaya 46 bank malik idi. Hazırda ölkədə xarici kapitalla 23 bank fəaliyyət göstərir. Onların yeddisində xarici kapitalın xüsusi çəkisi 50 faizdən 100 faizədək aralıqda formalaşıb. Bankların 14-də və xarici bankların yerli filiallarında bu göstərici 50 faizdir.

Xaricdə fəaliyyət göstərən struktur bankların sayı doqquzdur. Onların 6-sı nümayəndəlik, 2-si törəmə bank, biri isə filialdır. Azərbaycanda xarici bankların dörd nümayəndəliyi fəaliyyət göstərir.

Fevralın 26-na olan rəsmi məzənnə 0,8034 AZN/USD təşkil edir.

Xəbər lenti

Xəbər lenti