Gürcüstan, Tbilisi, 22 mart / Trend , müxbir N.Kirsxaliya/
Gürcüstan Statistika Komitəsinin ilkin məlumatına əsasən, 2009-cu ildə Gürcüstanda birbaşa xarici sərmayələrin böyük hissəsi sənayənin payına düşüb.
İqtisadiyyatın bu sahəsinə 204,1 milyon dollar sərmayə qoyulub ki, bu da ümumi sərmayənin 26,9 faizini təşkil edir.
Sərmayə həcminə görə sənayedən sonra nəqliyyat və rabitə sahələri gəlir. Hesabat dövründə bu sahələrə 153,6 milyon dollar sərmayə qoyulub ki, bu da ümumi investisiyanın 20,2 faizidir. Mehmanxana və restoran biznesinə 134 milyon dollar (17,7 faiz), daşınmaz əmlaka 132 milyon (17,4 faiz), tikinti sahəsinə 79,7 milyon (10,5 faiz), bank sektoruna 45,3 milyon (6 faiz), digər sahələrə 10,3 milyon dollar (1,3 faiz) sərmayə qoyulub.