Azərbaycan, Bakı, 16 aprel / Trend /
Yanvar-martda Azərbaycanın nəqliyyat sektorunda 43,2 milyon ton müxtəlif yüklər daşınıb ki, bu da 2009-cu ilin yanvar-mart aylarında olduğundan 3,1 faiz çoxdur. Bu barədə Azərbaycan Dövlət Statistika Komitəsi bildirib.
Yanvar-mart aylarında daşınan yüklərin ümumi həcminin 71,4 faizi özəl sektorun payına düşür. Bu ilin yamvar-mart aylarında yüklərin ümumi həcminin 47,2 faizi avtomobil nəqliyyatı ilə, 35 faizi boru kəmərləri ilə, 11,3 faizi dəmir yolu və 6,5 faizi dəniz nəqliyyatı ilə daşınıb.
Yanvar-mart aylarında sərnişin nəqliyyatı 312,7 milyon adam daşınıb ki, bu da ötən ilin analoji dövrünün göstəricisindən üç faiz çoxdur. Sərnişin daşınmasında 85,1 faiz özəl sektorun payına düşüb. Sərnişinlərin əsas hissəsi (85,2 faiz) avtomobil nəqliyyatı və metro ilə (14,3 faiz) daşınıb.
Dəmir yolu nəqliyyatı ilə 4,9 mln ton müxtəlif yüklər daşınıb ki, bu da 2009-ci ilin yanvar-martından üç faiz çoxdur.
Dəniz nəqliyyatı ilə 2,8 milyon ton müxtəlif yüklər daşınıb. Bu, ötən ilin yanvar-mart ayında olduğundan 4,8 faiz çoxdur. Daşınan yüklərin bütün həcmi beynəlxalq əməliyyatların payına düşür. Daşınan yüklərin ümumi həcmindən 67,9 faiz neft və neft məhsullarının, 32,1 faiz quru yüklərin payına düşür.
Azərbaycan limanlarında emal olunmuş yüklərin həcmi yanvar-martda 2,3 mln ton təşkil edib. Bütün yüklərin 85 faizi beynəlxalq tranzitin payına düşür (artım 18,9 faiz). Yük idxalının həcmi 5,5 dəfə, yük ixracının həcmi 83,4 faiz artıb.
Avtomobil nəqliyyatı ilə 20,3 milyon ton yük daşınıb ki, bu da ötən ilin yanvar-mart aylarında olduğundan 6,4 faiz çoxdur. Sərnişindaşımanın həcmi 266,3 milyon adam (artım 7,2 faiz) təşkil edib. Sərnişinin 96,5 faizi avtobuslarla, 3,5 faizi minik avtomobilləri ilə daşınıb.
Metropolitenlə sərnişindaşımanın həcmi 16,4 faiz azalaraq 44,8 faiz təşkil edib.
Yanvar-mart aylarında hava nəqliyyatı ilə 188,3 min sərnişin daşınıb. Ötən ilin analoji dövründə bu rəqəm 268,4 olub. Daşımaların həcminin üçdəiki hissəsi dövlət sektorunun payına düşüb.
Bu ilin fevralında Avrasiya nəqliyyat dəhlizi ilə Azərbaycan ərazisindən 7,9 milyon ton yük daşınıb ki, bu da ötən ilin analoji göstəricisindən 5,5 faiz çoxdur. Yanvarda dəhliz çərçivəsində 34,5 milyon adam daşınıb ki, bu da 2009-cu ilin fevralında olduğundan 7,8 faiz çoxdur.
