...

Aİ ərazisində rəqəmsal taxoqrafların tətbiqi ilə əlaqədar güzəşt müddəti uzadılıb

Biznes və iqtisadiyyat xəbərləri Materials 30 Aprel 2010 16:10 (UTC +04:00)

Azərbaycan, Bakı, 30 aprel /Trend/

Avropa İqtisadi Komissiyasının nəqliyyat üzrə işçi qrupunun İsveçrənin Cenevrə şəhərində növbədənkənar sessiyasında Avropa İttifaqına daxil olmayan ölkələrin daşımaları üçün dekabırın 31-dək rəqəmsal taxoqrafların tətbiqinin güzəşt müddətinin uzadılması qərara alınıb. Bu barədə Azərbaycan Nəqliyyat Nazirliyinin yayılan məlumatında deyilir.

Sessiya zamanı qərar qəbul edilib ki, bu ilin iyun ayının 16-dək Aİ ərazisində rəqəmsal taxoqrafların hər yerdə tətbiqi mümkün deyil. Lakin bu prosesin təxirə salınması da məqsədəuyğun deyil. Bunu nəzərə alaraq, güzəşt müddətinin uzadılması barədə qərar qəbul olunub.

Azərbaycan Nəqliyyat Nazirliyi də bu iclasda iştirak edib. Xüsusilə, tədbirdə Nəqliyyat Nazirliyinin Nəqliyyatda əlaqələndirmə və lisenziyalaşdırma şöbəsinin Nəqliyyatda əlaqələndirmə sektorunun müdiri Eldar Əlizadə və nazirliyin Nəqliyyatın inkişafı və elmi texniki siyasət şöbəsinin İnformatika və məlumat sektorunun müdiri İsmayıl Kərimov iştirak ediblər.

Azərbaycan ərazisində rəqəmsal taxoqrafların tətbiqi sistemi ölkəyə xaricdən gələn 50 mindən çox xarici və mindən çox milli daşıyıcının istirahətinə və iş rejiminə nəzarəti nəzərdə tutur.

Xəbər lenti

Xəbər lenti