...

Azərbaycanda kredit tarifləri əhəmiyyətli dərəcədə azalıb

Biznes və iqtisadiyyat xəbərləri Materials 1 May 2010 14:54 (UTC +04:00)

Trend-i buradan izləyin

Azərbaycan, Bakı, 1 may /Trend, müxbir N.İsmayılova/

Azərbaycan iqtisadiyyatının bank kreditləşməsi üzrə orta tarifi milli valyutada martın 1-nə olan 15,84%-ə və 2009-cu il aprelin 1-nə olan 17,42 %-ə nisbətən aprelin 1-də 13,99% təşkil edib. Bu barədə Azərbaycan Mərkəzi Bankının (AMB) məlumatında deyilir.

Bank kreditləşməsinin sərbəst dönərli valyutada (SDV) orta tarifi 17 faiz və müvafiq olaraq 18,51 faizə qarşı 15,4 faiz təşkil edib.

Hüquqi şəxslərin bank kreditləşməsinin milli valyutada orta tarifi martın 1-nə olan 13,88% və 2009-cu il aprelin 1-nə olan 14,88%-ə qarşı aprelin əvvəlinə 11,6% təşkil edib. Korporativ müştərinin bank kreditinin SDV-də orta tarifi martın 1-nə olan 14,45% və 2009-cu il aprelinb 1-nə olan 16,61%-ə qarşı 12,55% təşkil edib.

Hesabat dövründə fiziki şəxslərin bank kreditləşməsinin milli valyutada orta tarifi martın 1-nə olan 20,75% və 2009-cu il aprelin 1-nə olan 21,65%-ə nisbətən 19,93% təşkil edir. Fərdi müştərilərin bank kreditinin SDV-də orta tarifi 23,32% və müvafiq olaraq 22,26%-ə qarşı 22,09% təşkil edib.

Xəbər lenti

Xəbər lenti