Azərbaycan, Bakı, 23 iyun /Trend/
Yanvar-aprel aylarında Azərbaycana 14,2 min minik avtomobili idxal edilib ki, bu da ötən ilin müvafiq dövr göstəricisindən 36,3 faiz azdır. Bu barədə Dövlət Statistika Komitəsindən bildiriblər.
Məlumata görə, yanvar-apreldə gətirilən minik avtomobillərinin ümumi dəyəri 117,3 milyon dollar təşkil edib ki, bu da 2009-cu ilin analoji dövr göstəricisindən 19,3 faiz azdır.
Yanvar-apreldə Azərbaycana 1384 ədəd yük avtomobili gətirilib ki, bu da ötən ilin analoji dövr göstəricisindən 54,6 faiz azdır. Gətirilən avtomobillərin ümumi dəyəri 28,8 milyon dollar olub ki, bu da ötən ilin eyni dövründə qeydə alınan göstəricidən 25,8 faiz azdır.
Yanvar-apreldə respublikaya 290 ədəd avtobus idxal edilib ki, bu da ötən ilin yanvar-aprel göstəricisindən 5,1 faiz çoxdur. Yanvar-apreldə gətirilən avtobusların ümumi dəyəri 15 milyon dollar olub ki, bu da ötən ilin müvafiq dövr göstəricisindən 8,4 faiz çoxdur.
Yanvar-mayda Azərbaycanda 202 ədəd yük avtomobili istehsal olunub. Yanvar-mayda ölkədə 181 ədəd minik avtomobili istehsal olunub ki, bu da ötən ilin analoji dövr göstəricisindən altı dəfə çoxdur.
