Azərbaycan, Bakı, 23 iyul /Trend/
İyunda Bakının avtomobil bazarında mövsüm üçün xarakerik olan passivlik davam edir. Bu barədə "Əmlak Bazarı İştirakçıları" İctimai Birliyindən bildiriblər.
Son dörd ay ərzində avtomobil bazarında passivlik tendensiyası təkliflərin azalması üzündən kəskinləşərək alqı-satqı müqavilələrinin bağlanması dinamikasında azalmanı daha da dərinləşdirib və qiymətlərə təsir edib.
İyunda təkrar avtomobil bazarında təkliflərin azalması baş verib. Lakin buna baxmayaraq, real tələbin həcminin artması davam edib. Müraciətlərin sayının azalması ilə bağlı avtomobil alqı-satqısına dair bağlanmış müqavilələrin dinamikası 1,2 faiz azalıb.
Mayda avtomobillərin orta qiyməti apreldə olduğu kimi 15 380 dollar təşkil edib.
Bakının avtomobil bazarında müşahidə olunan passivlik avtomobikllərin ekspozisiya müddətinin artmasına da təsir edib ki, bu da risk səviyyəsinin artmasına gətirib çıxarıb.
İyunda avtomobil bazarında likvidlik əmsalı son üç ildə ən aşağı səviyyəyə enib.
Ümumilikdə bazara 6,6 mindən çox avtomobil təklif olunub ki, onlardan yalnız 39,4 faizi mayda təklif olunub, yerdə qalan 60,6 faiz əvvəlki aylardan bazarda qalıb. Köhnə buraxılış ilinə malik avtomobillərin bazara 3 ay davam edən kütləvi axını iyunda qismən sabitləşib.
Bakının avtomobil bazarında artıq üç ildir liderlik edən "Mercedes-Benz" alman markalı avtomobillərin payı iyunda 7,1 faiz azalaraq bazarın ümumi portfelinin 38,1 faizini təşkil edib.