Azərbaycan, Bakı, 14 avqust /Trend, müxbir A.Axundov/
Yanvar-iyul aylarında Azərbaycan MDB ölkələrindən 1,101 milyard dollar məbləğində mal idxal edib ki, bu da ölkənin ümumi idxalının 31,39 faizini təşkil edir. Bu barədə şənbə günü Dövlət Gömrük Komitəsindən bildiriblər.
MDB-dən Azərbaycana dənli bitkilər (ümumi idxalın 12,90 faizi), quru nəqliyyat vasitələri (9,42 faiz), avadanlıq və mexaniki qurğular (10,37 faiz), qara metal (7,27 faiz) və başqa məhsullar gətirilib.
Azərbaycan mallarının MDB-yə idxal məbləği 1,135 milyard dollar (ümumi ixracın 9,45 faizi) olub.
MDB ölkələrinə, əsasən, mineral yanacaq, neft məhsulları, bitum mineralları (ümumi ixracın 53,44 faizi), heyvan və bitki yağları (10,25 faiz), gəmi, qayıq və digər üzən vasitələr (15,38 faiz), qənd və qənnadı məmulatları (5,63 faiz) və tərəvəz (3,18 faiz) ixrac edilib.
MDB ölkələri ilə idxal-ixrac əməliyyatları üzrə 34 164,4 milyon dollar məbləğində müsbət saldo yaranıb.