Azərbaycan, Bakı, 17 avqust /Trend, müxbir T.Cəfərov/
Ötən ay (iyunun 22-dən iyulun 22-dək) İran 370 milyon dollar dəyərində 10 ton qızıl idxal edib. Xəbəri İranın FARS İnformasiya Agentliyi ölkənin rəsmi statistikasına istinadən yayıb.
İranda martın 21-də başlayan cari ilin üç ayı ərzində 483 milyon dollar dəyərində Türkiyə, BƏƏ, Rusiya və İsveçrədən 13 ton qızıl idxal edilib.
Ötən il ərzində İran 796 milyon dollar məbləğində 22 ton qızıl idxal edib. İdxal edilən qızılın 68 faizi BƏƏ-nin, 27 faizi Türkiyənin, 5 faizi isə Rusiyanın payına düşüb.
