Azərbaycan, Bakı, 24 avqust /Trend, müxbir A.Axundov/
İyulda Bakının təkrar mənzil bazarında sövdələşmələrin bağlanması dinamikasında 2,5 faizlik azalma müşahidə olunub. Bu barədə çərşənbə axşamı "Əmlak Bazarı İştirakçıları" İctimai Birliyindən bildiriblər.
Bakıda mənzil bazarında yeni tikililərin payı artmaqda davam edir, iyulda bu 60,9 faiz təşkil edib. Təkrar mənzil bazarında yeni tikililərin payında iyun ayı ilə müqayisədə 0,3 faizlik artım müşahidə olunub.
Bazarda təkliflərin 0,2 faiz artmasına baxmayaraq, orta qiymət 0,7 faiz azalıb. Bazarın bu seqmentində ipoteka kreditləşməsinin təsiri altında likvidlik sabit qalıb, lakin risk dərəcəsi hələ də yüksəkdir. Araşdırmalara görə, təkrar bazarda qiymətlərin indeksi mənzillərin dəyərinə nisbətən 1,5 faiz azalıb. Təkrar bazarda qiymətlərin indeksi 1,5 bənd azalıb.
Təkliflərin həcminin 0,2 faiz artması nəticəsində bazarda təklif olunan mənzillərin sayı iyulda 6753 səviyyəsində olub. Bazarın bu seqmentində Yasamal, Nəsimi, Nərimanov və Xətai rayonlarının payı 80 faiz təşkil edib.
İyul ayı ərzində Bakının rayonlarının heç birində qiymət artımı müşahidə olunmayıb, Yasamal rayonunda isə əhəmiyyətli azalmа (0,7 faiz) müşahidə olunub. Təkrar bazarda mənzillərin bir kvadratmetrinin orta qiyməti səkkiz dollar azalaraq 1102 dollar, bazarda orta qiymətdən aşağı təklif olunan mənzillərin payı isə bazarın ümumi portfelində 58,5 faiz təşkil edib.
İyulda təkrar mənzil bazarında otaqların orta göstəricisi 2,54, otaqların orta satış qiyməti 45 621 dollar, otaqların orta qiyməti isə 118 740 dollar olub.
İyulda aktivlik əmsalına görə Bakıda ən cəlbedici rayonlar Xətai, Yasamal, Binəqədi və Nərimanov rayonları olub ki, bu da əsasən ipoteka kreditləşməsi baxımından səmərəliliyi ilə izah olunur.
Ötən ay ərzində 3, 4 və 5 otaqlı mənzillərin sayında azalma müşahidə olunub. Təkliflərdə ən çox azalma dördotaqlı mənzillər (1,3 faiz) üzrə olub. İkiotaqlı mənzillər üzrə təkliflər 0,2 faiz artıb.
