Azərbaycan, Bakı, 2 sentyabr /Trend, müxbir T.Cəfərov/
Azərbaycan və İran arasında mal dövriyyəsinin 10 milyard dollara çatdırılması üçün proqram hazırlanıb. Bu barədə Trend-ə İranın Azərbaycandakı səfri Məhəmməd Bağır Bəhrami deyib.
"Bu planın həyata keçirilməsi iki ölkə rəsmilərinin müxtəlif görüşlərində geniş müzakirə ediləcək, - diplomat bildirib. - Bu məqsədə çatmaq üçün biz qarşımızda tapşırıq qoymuşuq".
2009-cu ilin yekunlarına görə, Azərbaycan və İran arasında mal dövriyyəsi 543 milyon dollara çatıb. İran Azərbaycana 372 milyon dollar dəyərində mal ixrac edib, Azərbaycandan isə 171 milyon dollar dəyərində məhsul idxal edilib. İrandan Azərbaycana əsasən alma, kartof, sement və geyim idxal olunur, Azərbaycandan qonşu ölkəyə isə tikinti materialları, maşın yağları, dəmir və polad ixrac edilir.