Azərbaycan, Bakı, 22 oktyabr /Trend, müxbir А.Yusifzadə/
İran mallarının Azərbaycana ixracı MDB ölkələri bazarına çıxış üçün imkan yaradır və İran ixracatının artımını təmin edir. Bu barədə cümə günü Ərdəbil vilayəti sənaye komitəsinin rəhbəri Məhəmməd Cəfər Əzmayi deyib, - məlumatı Fars agentliyi yayıb.
İran malları dünyanın 40 ölkəsinə ixrac olunur. Bu il mallar əsas etibarilə Azərbaycan, Gürcüstan, Rusiya və İraqa ixrac olunub.
Bu ilin birinci yarımili ərzində (İranda il martın 21-dən başlayır) Ərdəbil əyalətinin Biləsuvar şəhərində gömrük məntəqəsi ilə 763 milyon dollar məbləğində 268 min tondan çox mal ixrac olunub. Ötən ilin analoji dövrü ilə müqayisədə malların ixrac həcmi üzrə 29 faiz, pul ekvivalenti ilə 67 faiz artıb.
Onun sözlərinə görə, Ərdəbil əyalətinin ixrac mallarını plastik, metal mallar, kartof və müxtəlif içkilər təşkil edir.
Göstərilmiş dövr ərzində Biləsuvar şəhərində gömrük məntəqəsi vasitəsilə 58 faiz sənaye malları, 26 faiz kənd təsərrüfatı məhsulları, 10 faiz dağ-mədən və metallurgiya sahəsi, 5 faiz kimya sənayesi məhsulları ixrac olunub.
"Ərdəbil əyaləti ötən olin analoji dövrü ilə müqayisədə malların ixracını üç faiz artıraraq, 43 min tona çatdırıb, ixrac olunan malların dəyəri 5 faiz artaraq 25,59 milyon dollar təşkil edib", - Əzmayi deyib. Əyalətə mal idxalının azaldılması məsələsinə aydınlıq gətirərək Əzmayi deyib ki, bu, Ərdəbil əyalətinin ticarət balansının sabitləşməsinə imkan verəcək.
