Azərbaycan, Bakı, 8 noyabr /Trend, müxbir A.Axundov/
Azərbaycan bazarına Fransanın AXA şirkətinin gəlməsi və şirkətdə ABŞ-ın "Chartis" şirkətinin fəaliyyətinin genişləndirilməsi dünyanın sığorta bazarında sığorta həcminin azalması şəraitində xarici şirkətlərin yerli bazara marağının artmasının göstəricisidir. Bu barədə bazar ertəsi "Paşa Sığorta" sığorta şirkətinin idarə heyətinin sədri Nofəl Rzayev deyib.
"Bu gün bütün dünyada sığorta həcminin azalması müşahidə edilir, sığorta və təkrar sığorta paketləri daha az alınır. Bunu nəzərə alaraq, bizim son vaxtlar müşahidə etdiyimiz proseslər yerli bazara marağın artmasının göstəricisidir", - Rzayev qeyd edib.
Onun sözlərinə görə, indi Azərbaycanda sığorta bazarının üç böyük beynəlxalq oyunçusu - "Chartis" (ABŞ), AXA (Fransa) və "Groupama" (Fransa) şirkətləri var.
"Bu, bizim hazır olduğumuz sığorta bazarında rəqabət artmına aparır", - Rzayev qeyd edib.
Bu günlərdə ABŞ-ın sığorta şirkəti "Chartis" birgə sığorta şirkəti "AIG Caspian Insurance" MMC-də (49 faiz iştirak payına sahib olduğu ABŞ-ın "Chartis AIG Insurance" sığorta şirkətinin Azərbaycanda törəmə şirkəti) 100 faizlik iştirak payını alıb. Bununla əlaqədar yerli şirkətin adı "Çartis Azərbaycan" kimi dəyişdirilib.
Məlumata əsasən, həmin dəyişiklik Azərbaycan Ədliyyə Nazirliyi tərəfindən 2010-cu il 15 oktyabr tarixində dövlət qeydiyyatına alınıb.
Fransanın "AXA Group" şirkətinin törəmə şirkəti olan İspaniyanın "AXA Seguros Generales"ı AYİB-in onun kapitalında pay alması sayəsində MBASK şirkətinin səhmlərinin nəzarət paketini alıb. Orada banka səhmlərin 30 faizi, əsas səhmdarın və şirkətin Müşahidəçilər Şurasının sədri Eldar Qəribovun kaptalında 21 faiz iştirak payı təklif olunub. Qəribov 49 faizlik payı qoruya bilib.