Azərbaycan, Bakı, 2 dekabr /Trend, müxbir E.İsmayılov/
Azərbaycan Nəqliyyat Nazirliyi Bakının Nərimanov rayonunda ("Gənclik" metrostansiyasının yaxınlığında) iki avtomobil tunelini istismara verməyə hazırlaşır. Bu barədə cümə axşamı Nəqliyyat Nazirliyindəki mənbə deyib.
Tunellərdən biri F.Xoyski prospekti ilə Koroğlu Rəhimov küçəsinin kəsişməsində, ikincisi isə Təbriz və Koroğlu Rəhimov küçələrinin kəsişməsində yerləşir.
"Bu obyektlərdə işlər hələ ki başa çatmayıb, lakin tamamlama işləri görülür. Hər iki avtomobil yolu obyektinin bu ay ərzində istismara verilməsi planlaşdırılır", - mənbə bildirib.
"Gənclik" metrosunun ərazisi Azərbaycan paytaxtının nəqliyyat qovşaqlarının ən mühüm və həddindən artıq yüklənən ərazisidir. Buna görə də burada yeraltı nəqliyyat tunelləri ilə yanaşı, avtonəqliyyat vasitələrinin hərəkətini yüngülləşdirəcək yeni böyük avtomobil yolu qovşağı tikilir.