Azərbaycan, Bakı, 10 dekabr /Trend, müxbir İ.Xəlilova/
Azərbaycanda avtomobil yollarının bərpası və inşası üçün 30-35 milyard manat lazım olacaq. Bu barədə cümə günü "Azəryolservis" ASC-nin direktoru Cavid Qurbanov deyib.
"Beynəlxalq standartlara cavab verən yol infrastrukturunun yaranması prosesinə 15 il lazım olacaq", - o deyib.
Onun sözlərinə görə, altı il ərzində yolların inşası və yenidən qurulmasına 3-3,5 milyard manat xərclənib ki, onun bir milyard manatı beynəlxalq borcların payına düşür, qalan vəsait isə dövlət büdcəsinin hesabına ayrılıb.
"Azəryolservis"in balansında bütünlükdə 20 min yol, respublikada isə 40 minə yaxın yol var",- Qurbanov deyib.
"Azərbaycan ərazisində avtomobil yollarının təkmilləşdirilməsi ilə əlaqədar 250 min yeni yol nişanı quraşdırmaq tələb olunur", - o deyib.
Dekabrın 10-na olan rəsmi məzənnə 0,7990 AZN/USD təşkil edir.