Azərbaycan, Bakı, 13 dekabr /Trend,müxbir N. İsmayılova/
Azərbaycanda "Parex Bank" nümayəndəliyi iki banka bölünən Latviya bankında struktur dəyişmələri ilə əlaqədar olaraq "Parex Bank" və "Citadele Bank" Azərbaycan Mərkəzi Bankına təkrar qeydiyyat üçün ərizə verib. Bu barədə bazar ertəsi Trend-ə bankın ölkədəki nümayəndəliyinin rəhbəri Andreys Krivans deyib.
"Nümayəndəlik "Citadele Bank" adlandırılıb, bütün lazımi sənədlər AMB-yə artıq təqdim olunub", - Krivans deyib.
Bankın bölünməsi prinsip üzrə təşkil olunub: yaxşı aktivlər "Citadele Bank"a köçürülüb, işləməyən aktivlər yeni bankın yaxşı balansı olması və gəlirlə sabit olaraq işləməsi üçün "köhnə" bankda qalıb. "Parex Bank" Azərbaycanda öz mövqeyini saxlayır.
"Citadele Bank" SC - "Parex Bank" SC-nin yenidən qurulması planı çərçivəsində yaradılmış kredit idarəsi və onun təsisatçısı "Privatizācijas aģentūra"dır. Cari ilin 1 avqustunda aktivlərin bölünməsi prosesi keçirilib və "Citadele Bank" yaradılıb. Avropa Yenidənqurma və İnkişaf Bankına "Parex Bank"ın yenidən qurulması prosesində yaradılmış yeni bankın səhmlərinin 25 faizi məxsus olacaq.
Dövlət tərəfindən banka qoyulan vəsaitlərin bir hissəsi, məhz 692 milyon latı köhnə "Parex Bank"da qalacaq, 230 milyonu lat isə yeni banka köçürüləcək. Hazırkı "Parex Bank"ın səhmlərinin 76,6 faizinin sahibi dövlət, 19,7 faizinin sahibi AYİB-dir.
"Parex Bank" 1992-ci ildə yaradılıb. Bankın nümayəndəlikləri, filialları və törəmə müəssisələri dünyanın 12 ölkəsində yerləşir, o cümlədən Berlin, Stokholm, Tallində filiallar var. Azərbaycanda bankın nümayəndəliyi fəaliyyət göstərir.
Bu günə "Parex Bank"ın Azərbaycanda yekun portfeli ölkədə törəmə lizinq portfeli və kredit xətləri daxil olmaqla 200 milyon dollar təşkil edir.
