Azərbaycan, Bakı, 14 dekabr /Trend, müxbir Ü.İsmayılova/
Azərbaycan Standartlaşdırma, Metrologiya və Patent üzrə Dövlət Komitəsi informasiya texnologiyaları və ərzaq məhsulları sahəsində yeni dövlət standartlarını təsdiq edib. Bu barədə çərşənbə axşamı komitədən məlumat verilib.
Standartlaşdırma üzrə "İnformasiya-kommunikasiya texnologiyaları" Texniki Komitəsi tərəfindən hazırlanan AZS 495-2010 və AZS 496-2010 dövlət standartları 2010-cu il dekabrın 20-dən etibarən qüvvəyə minəcək:
AZS 495-2010 "Azərbaycan əlifbası hərflərinin dildən asılı klaviatura düzümü";
AZS 496-2010 "Azərbaycan əlifbası hərflərinin dildən asılı olmayan klaviatura düzümü".
Məlumatda o da qeyd edilib ki, standartlaşdırma üzrə Texniki Komitə tərəfindən ərzaq məhsulları sahəsində hazırlanan 12 dövlət standartı 2011-ci il yanvarın 10-dan etibarən qüvvəyə minəcək:
AZS 507-2010 (İSO 1574:1980) "Çay. Suda həll olunan ekstraktiv maddələrin təyini";
AZS 508-2010 (İSO 1575:1987) "Çay. Ümumi, suda həll olmayan və suda həll olan külün təyini üsulları";
AZS 509-2010 (İSO 1839:1980) "Çay. Nümunə alma";
AZS 511-2010 "Çay. Xam sellülozun təyini";
AZS 512-2010 (İSO 1572:1980) "Çay. Xırdalanmış nümunənin hazırlanması və quru maddələrin təyini üsulu";
AZS 514-2010 (ISO 5555:2001) "Bitki və heyvan yağları və piyləri. Nümunə götürmə";
AZS 516- 2010 (ISO 662:1998) "Bitki və heyvan yağları və piyləri. Nəmlik və uçucu maddələrin miqdarının təyini";
AZS 518-2010 (İSO 3960:2007) "Bitki və heyvan yağları və piyləri. Peroksid ədədinin təyini";
AZS 519-2010 (İSO 3961:2009) "Bikti və heyvan yağları və piyləri. Yod ədədinin təyini";
AZS 523-2010 (İSO 3657:2002) "Bitki və heyvan yağları və piyləri. Sabunlaşma ədədinin təyini";
AZS 524-2010 (İSO 663:2007) "Bitki və heyvan yağları və piyləri. Həll olmayan qarışıqların miqdarının təyini";
AZS 527-2010 (İSO 6320:2000) "Bitki və heyvan yağları və piyləri. Refraksiya indeksinin təyini".