...

Azərbaycanda sığorta xidmətlərinin yeni icbari növü üzrə 500-dən çox müqavilə bağlanıb

Biznes və iqtisadiyyat xəbərləri Materials 19 Yanvar 2011 16:36 (UTC +04:00)

Azərbaycan, Bakı, 19 yanvar /Trend, müxbir Ü.İsmayılova/

Yanvarın birinci yarısında Azərbaycanda istehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə 500-dən çox müqavilə bağlanıb. Bu barədə çərşənbə günü Azərbaycan Maliyyə Nazirliyi nəzdində Dövlət Sığorta Nəzarəti Xidmətinin rəisi Namiq Xəlilov deyib. Şirkətlər bu xidmətlərin göstərilməsinə 2011-ci ildən başlayıblar.

"Müqavilələrin hamısı həyat sığortasında ixtisaslaşaraq fəaliyyət göstərən "Qala Həyat" və "Atəşgah Həyat" sığorta şirkətləri ilə bağlanılıb", - Xəlilov qeyd edib.

Onun fikrincə, qısa müddət ərzində sığorta polislərinin belə satış həcmi böyük tələbatdan və işəgötürənlərin sığorta xidmətlərinin bu növündə marağının olmasından xəbər verir.

Sığortanın yeni növünə böyük maraq şirkətə və Sığorta Nəzarəti Xidmətinə edilən müraciətlərin sayında da müşahidə olunur.

2010-cu ilin iyulunda Azərbaycan Prezidenti İlham Əliyev "İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta haqqında" qanunu təsdiq edib.

İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə tariflər iqtisadi fəaliyyətin növündən və işçilərin kateqoriyasından asılı olaraq dəyişir.

Qulluqçu kateqoriyalı işçilər üçün icbari sığorta üzrə tariflər fondun əməkhaqqısının 0,2-0,5 faizi, işçilər kateqoriyası üçün isə 0,4 faizdən 2 faizədək dəyişir.

Xəbər lenti

Xəbər lenti