...

Koreya mütəxəssisləri Bakı buxtası üzərindən keçəcək körpünün ilkin dizaynı təqdim edəcəklər

Biznes və iqtisadiyyat xəbərləri Materials 2 Fevral 2011 18:08 (UTC +04:00)

Trend-i buradan izləyin

Azərbaycan, Bakı, 2 fevral/Trend, müxbir E.İsmayılov/

Mayda Koreya mütəxəssisləri Bakı buxtası üzərindən keçəcək körpünün texniki-iqtisadi əsaslandırmasının hazırlanması və ilkin dizaynı üzrə işi başa çatdıracaqlar. Bu barədə çərşənbə günü Trend-ə nəqliyyat nazirinin müavini Musa Pənahov deyib.

Buna kimi TİƏ-nin hazırlanması üzrə tenderin qalibi Koreyanın "Dong Sang Engineering" şirkəti élan edilib.

Onun sözlərinə görə, hazırda yeni körpünün TİƏ-nin hazırlanması çərçivəsində işlər davam etdirilir. Xüsusilə, görülən işlərin yekunları üzrə Nəqliyyat Nazirliyinə TİƏ və onun marşrutunun keçəcəyini göstərəcək ilkin dizayn tqədim ediləcək.

"Onun yerləşməsi, yəni Nargin adası və ya buxta yaxınlığında yerləşməsi üzrə bir neçə variant var", - Pənahov qeyd edib.

Nazir müavinin sözlərinə görə, Koreya mütəxəssisləri körpünün keçəcəyi marşrut üzrə bir neçə variant, eləcə də onun formalarını hazırlayacaqlar. Körpünün tikintisi ilə bağlı müsbət qərar qəbul edilsə, ətraflı mühəndislik üzrə işlərə başlanılacaq.

Yeni körpü Bakı buxtasının iki tərəfini (Bayıl və Zığ qəsəbələri zonasında) birləşdirməli və paytaxtın nəqliyyat infrastrukturunun yükünün azaldılmasına kömək etməlidir. Körpünün dəniz hissəsi 14 kilometr təşkil edəcək. Bu körpünün tikintisi üzrə işlərin 5 il ərzində başa çatdırılması planlaşdırılır.

12 aylıq texniki-iqtisadi əsaslandırma (TİƏ) layihəsinin hazırlanmasının həyata keçirilməsi 2010-cu ilin iyulunda başlayıb. Layihənin büdcəsi 1,6 milyon dollar təşkil edir. Layihə KOICA tərəfindən maliyyələşdirilir. 2010-cu il martın 11-də Azərbaycan və Koreya Respublikası arasında layihəyə dair imzalanan qrant sazişi Bakı şəhərinin nəqliyyat infrastrukturunun yaxşılaşdırılmasına, iki ölkə arasında bu layihənin uğurla həyata keçirilməsi əsasında münasibətlərin və əməkdaşlığın möhkəmləndirilməsinə yönəlib.

Xəbər lenti

Xəbər lenti