Azərbaycan, Bakı, 4 mart /Trend, müxbir Ü.İsmayılova/
Azərbaycanda daşınmaz əmlak obyektlərinin icbari sığortasının tətbiqi mənzil bazarında qiymət artımına səbəb olmayacaq. Bu barədə cümə günü "MBA Group" konsaltinq şirkətinin baş direktoru Nüsrət İbrahimov deyib.
"Sığortanın tətbiqi əmlak qiymətlərinin formalaşmasında mühüm rol oynamayacaq", - İbrahimov qeyd edib.
Onun sözlərinə görə, hazırda Azərbaycanın mənzil bazarında qəzalı vəziyyətdə olan köhnə binaların olması və s. ciddi risklər mövcuddur. Və icbari sığortanın tətbiqi riskin mümkün səviyyələrini nəzərə alaraq, əmlakın qorunması üçün müsbət mexanizmdir.
Sığortanın bu növünün geniş tətbiqinə toxunan İbrahimov bildirib ki, əhali vaxt keçdikcə icbari sığortanın prosesinə öyrəşəcək və onu avtomobillərin icbari sığortası tətbiq ediləndə olduğu kimi, normal qəbul edəcək.
"Güman edirəm ki, daşınmaz əmlak obyektinin icbari sığortası üzrə müqavilənin orta qiyməti 100 manatı (obyektin ümumi dəyərindən 1 faiz) ötməyəcək", - İbrahimov bildirib.
İbrahimov hesab edir ki, icbari sığortanın tətbiqi ilə sığorat bazarına mövcud inamsızlıqla əlaqədar icraçı strukturun müəyyənləşdirilməsi mümkündür. Bu, çox güman ki, sığortanın bu növünün tətbiqi üzərində nəzarəti həyata keçirəcək bələdiyyələr olacaq.
Yanvarın 21-də Azərbaycan Parlamenti ilk oxunuşda daşınmaz əmlakın icbari sığortasını nəzərdə tutan "Sığortanın icbari növləri haqqında" qanunu qəbul edib.
Qanun layihəsinə görə, daşınmaz əmlakın icbari sığortası ilə tikililərə, yaşayış evlərinə, fiziki şəxslərə məxsus mənzillərə, hüquqi şəxslərə məxsus ofislərə, dövlət əmlakına şamil ediləcək. Bununla yanaşı, sığorta hadisəsi zamanı bu əmlaka yanğın, partlayış, elektirk şəbəkəsində qısa qapanma, kanalizasiya və ya su xəttində baş vermiş qəza, təbiət kataklizmləri və s. nəticəsində dəyən ziyanla bağlı faktlar nəzərə alınacaq.
Daşınmaz əmlakın istismarı zamanı mülki məsuliyyətin sığortalanması bu əmlakdan istifadə zamanı üçüncü şəxsin ziyandan müfadiəsini nəzərdə tutur. Sığortanın bu növü sahibkarlıq fəaliyyəti ilə məşğul olan fiziki və hüquqi şəxslərə aid ediləcək. Sağlamlığa dəyən ziyan zamanı sığortanın bu növü üzrə ödənişin məbləği 50 min manat (bir nəfər üçün - 5 min manat), əmlak üçün - 50 min manat nəzərdə tutulub.
Martın 4-nə olan rəsmi məzənnə 0,794 AZN/USD təşkil edir.