Azərbaycan, Bakı, 5 mart/Trend, müxbir Ü.İsmayılova/
Yanvar-fevralda Bakının daşınmaz əmlak bazarındakı vəziyyət qiymətlərin azalma tendensiyasını təsdiq edib. Bu barədə MBA Group konsaltinq şirkətinin baş direktoru Nüsrət İbrahimov deyib.
"Yanvar-fevralda az da olsa, qiymət azalması müşahidə edilib", - İbrahimov qeyd edib.
Onun sözlərinə görə, əvvəliki aylar ərzində davam edən nisbətən "ucuz" mənzillərin qiymətinin azalması prosesi artıq dayandırılıb. Bakı və Sumqayıt şəhərlərinin bəzi yerlərində mənzillər bahlaşmaya başlayıb, çünki ipoteka ilə ucuz mənzilləri almaq imkanı daha genişdir. [Azərbaycan İpoteka Fondunun xətti ilə ipoteka kreditinin maksimal məbləği 50 min manat təşkil edir]
"Sumqayıtda "ucuz" mənzillərin qiymətinin artması 6-7 faiz, Bakıda 4-5 faiz təşkil edib", - İbrahimov qeyd edib.
