İranın Mərkəzi Bankı bəhmən ayında (20 yanvar - 20 fevral) ölkədə inflyasiyanın 11,6 faiz olduğunu açıqlayıb. Bu barədə Trend İranın İRNA xəbər agentliyinə istinadən məlumat verir.
İnflyasiya göstəricisi İran şəhərlərində göstərilən 359 adda xidmətin və məhsulların qiymətinin monitorinqinə əsasən müəyyən olunub.
Məlumatda bildirilir ki, bu göstərici bəhmən ayından öncəki ayla müqayisədə 2,5 faiz artıb.
2009-cu ilin martında İranın Mərkəzi Bankı söz vermişdi ki, inflyasiyanın səviyyəsi 10 faizədək azaldılacaq.
2007-ci ilin sonu və 2008-ci ilin əvvəli İranda inflyasiya 25,4 faiz təşkil edib.
