Azərbaycan, Bakı, 31 mart /Trend, müxbir Ü.İsmayılova/
2010-cu ildə fəaliyyətinin yekunları üzrə Azərbaycanın sığorta şirkəti "Standard Insurance"ın aktivləri ilin əvvəlindəki 20,553 milyon manata qarşı 19,845 milyon manat təşkil edib. Trend-in məlumatına görə, bu barədə şirkətin rəsmi mətbuatda dərc olunmuş balans hesabatında deyilir.
İl ərzində şirkətin uzunmüddətli aktivləri 4,12 milyon manat, qısamüddətli aktivləri isə 15,725 milyon manat təşkil edib.
Ötən il ərzində şirkətin məcmu kapitalı 13,915 milyon manatdan 12,462 milyon manatadək azalıb. Standard Insurance-in nizamnamə kapitalı 8 milyon manatdan 11 milyon manatadək artıb.
Şirkətin uzunmüddətli öhdəlikləri 6,966 milyon manat, qısamüddətli - 416,527 min manat, ümumilikdə kapital və öhdəlikləri 19,845 milyon manat təşkil edib.
Ötən ilin yekunları üzrə şirkətin gəlirləri 10,421 milyon manat, o cümlədən sığorta ödənişləri - 7,937 milyon manat, təkrar sığorta - 772,269 min manat olub. İnvestisiya yatırımlarından gəlirlər 1,935 milyon manat təşkil edib.
2010-cu il ərzində Standard Insurance-ın xərcləri 9,925 milyon manat, o cümlədən sığorta ödənişləri 2,333 milyon manat, təkrar sığorta ödənişləri 2,585 min manat olub.
Ötən ilin yekunları üzrə şirkətin maliyyə mənfəəti 496,29 min manat, xalis mənfəəti isə 397,032 min manat olub.
2010-cu ildə şirkət 175,782 min manat mənfəət vergisi, mənbədən vergi (4 faiz) 230,717 min manat, 180 min manat həcmində digər vergilər ödəyib.
"Standard Insurance" şirkəti sığorta bazarında 2002-ci ildən etibarən fəaliyyət göstərir. Şirkət 28 növdə sığorta xidmətləri göstərir.
Martın 31-nə olan rəsmi məzənnə 0,7927 AZN/USD təşkil edir.
