Azərbaycan, Bakı, 25 aprel /Trend, müxbir A.Axundov/
2010-cu ildə fəaliyyətinin yekunları üzrə Azərbaycanın sığorta şirkəti "Fidan Sığorta" ASC-nin aktivləri ilin əvvəlindəki 1,913 milyon manata nisbətdə 49,8 faiz artaraq 2,865 milyon manat təşkil edib. Trend-in məlumatına görə, bu barədə şirkətin rəsmi mətbuatda dərc olunmuş balans hesabatında deyilir.
2010-cu ilin sonunda şirkətin uzunmüddətli aktivləri il ərzində 2,13 dəfə azalaraq 1,76 milyon manat, qısamüddətli aktivləri isə 1,79 faizlik illik artımla 1,106 milyon manat təşkil edib.
Ötən il şirkətin depozit hesabları 925,398 min manat, hesablaşma hesabları 62,539 min manat, xəzinədə - 112,994 min manat olub.
2010-cu ildə "Fidan Sığorta" ASC-nin ödənilmiş nizamnamə kapitalı il ərzində 61,43 faiz artaraq 2,26 milyon manata çatıb. Ötən ilin yekunları üzrə şirkətin maliyyə mənfəəti 238,385 min manat, ötən illər ərzində bölüşdürülməmiş gəliri 43,327 min manat, qiymətləndirmə ehtiyatları isə 238,385 min manat olub.
Ötən il şirkətin məcmu kapitalı 2009-cu illə müqayisədə 64,45 faiz artaraq 2,542 milyon manat olub.
Şirkətin məcmu öhdəlikləri 11,84 faiz azalaraq 323,443 milyon manat, ümumilikdə kapital və öhdəlikləri 49,8 faiz artaraq 2,865 milyon manat təşkil edib.
Ötən ilin yekunları üzrə şirkətin gəlirləri 655,858 min manat, o cümlədən sığorta üzrə 470,144 min manat təşkil edib.
2010-cu il ərzində şirkətin xərcləri 417,473 min manat, o cümlədən sığorta ödənişləri 233,837 min manat, işlərin aparılması üçün xərcləri 146,533 min manat olub.
2010-cu ildə şirkət 10,2 min manat mənfəət vergisi, əmlak vergisi üzrə 4,848 min manat, sosial sığorta və təminat üzrə ödənişlər 20,8 min manat olub.
Şirkətin maliyyə hesabatları və vergi bəyannamələri üzrə auditor rəyi müstəqil auditor Köçəri Əliyev tərəfindən tərtib edilib.
Təsisiçisi bir hüquqi və iki fiziki şəxsin olduğu "Fidan Sığorta" şirkəti Azərbaycanda 1994-cü ildən fəaliyyət göstərir.
Aprelin 25-nə olan rəsmi məzənnə 0,7915 AZN/USD təşkil edir.
