Azərbaycan, Bakı, 17 may /Trend, müxbir N.İsmayılova/
2012-ci ilin sonuna Azərbaycan xarici güclü suveren kreditorlardan birinə çevrilə bilər. Bu barədə beynəlxalq reytinq agentliyi "Fitch Ratings"in məlumatında deyilir. Mayın 17-də "Fitch Ratings" beynəlxalq reyting agentliyi Azərbaycanın uzunmüddətli yerli və xarici valyutada reytinqini "BBB-" investisiya səviyyəsində saxlayaraq, reytinq üzrə proqnozun "Sabit"dən "Pozitiv"ə dəyişdirilməsi barədə qərar qəbul edib.
Agetliyin məlumatında deyildiyinə görə, "Pozitiv" proqnoz "Fitch"in dövlət büdcəsinin gələcək təkmilləşdirilməsi istiqamətində gözləntilərini əks etdirir.
Dövlət Neft Fondunun (ARDNF) aktivləri 2010-cu il ərzində 7,9 milyard dollar artaraq 22,8 milyard dollara çatıb (ÜDM-in 44 faizi) və daha 3 milyard dollar cari ilin birinci rübündə artıb. Azərbaycan Mərkəzi Bankının ehtiyatlarının da daxil olduğu strateji valyuta ehtiyatları ÜDM-in 49 faizinə çataraq Qazaxıstanı ("BBB-"/Pozitiv) və Rusiyanı ("BBB"/Pozitiv) qabaqlayaraq, yalnız Tailanda ("BBB"/"Stabil) məğlub olaraq "BBB" reytinqli ölkələr kateqoriyasında ikinci yeri tutur.
"Neftin indiki yüksək qiymətləri və proqnozlaşdırılan səviyyədə neft gəlirlərinin xərcləri nəzərə alınmaqla, Azərbaycan 2012-ci ilin sonuna xalis xarici güclü suveren kreditorlardan birinə çevrilə bilər", - məlumatda deyilir.
Bu proqnozlar nəzərdə tutur ki, neft gəlirlərinin bir qismi xərclənəcək. 2011-ci ilin iyununda dövlət büdcəsinin proqnozlarının artırılmasına baxılacaq. Bu, ARDNF-in dövlət büdcəsində transfertlərinin səviyyəsinin artırılmasını nəzərdə tutur.
Xalis xarici kreditor kimi Azərbaycanın mövqeyi 2010-cu ilin sonuna ÜDM-in 45 faizinə ekvivalent olub. Bu, qrup ölkələri ilə müqayisədə əhəmiyyətli göstəricidir. "Fitch" proqnozlaşdırır ki, cari əməliyyatların profisit hesabı 2011-ci ildə ÜDM-in 30 faizi səviyyəsinədək artacaq.
Azərbaycanın ÜDM-nin real artımı 2010-cu ildə 5 faizədək azalıb və əsasən qeyri-neft sektorunun hesabına təmin edilib. Fondun proqnozlarına görə, neftin dəyişməz hasilat səviyyəsində 2011 və 2012-ci illərdə artım 3-4 faziədək sürətini azaldacaq. Struktur islahatların aparılması qeyri-neft sektorunun böyük artımını təmin etməyə imkan verəcək. Onlar Mərkəzi Bankın 2011-ci ildə 10 faiz səviyyəsində saxlamağa çalışdığı inflyasiyanın yatırılmasına xidmət edəcək.
Ümumilikdə "Fitch" hesab edir ki, enerji resurslarından ağıllı istifadə suveren aktivlərin toplanmasını davam etdirməyə və makroiqtisadi sabitliyi qorumağa imkan verir, bu isə reytinq üçün müsbət olacaq. Biznes mühitin və maliyyə sektorunun yaxşılaşdırılması, iqtisadiyyatın idarə edilməsi və şaxələndirilməsi də müsbət amil olacaq.
