...

Azərbaycanda bentomat istehsalı üzrə zavod tikiləcək

Biznes və iqtisadiyyat xəbərləri Materials 21 İyun 2011 14:12 (UTC +04:00)

Trend-i buradan izləyin

Azərbaycan, Bakı, 21 iyun /Trend, müxbir A.Bədəlova/

"Azbentizol" şirkəti Azərbaycanda bentomat istehsalı üzrə zavod tikmək niyyətindədir. Bu barədə çərşənbə axşamı jurnalistlərə şirkətin kommersiya direktoru İlqar Manafov məlumat verib.

"Şirkətimiz ilin sonunadək Azərbaycan bazarında bu məhsulun satış həcmini müəyyənləşdirəcək", - Manafov bildirib.

Onun sözlərinə görə, zavodun nəzərdə tutulan gücü səkkiz iş saatı ərzində 12 min kvadrat metr bentomat təşkil edəcək.
Manafov yeni zavodun tikintisinə yatırılacaq investisiyaların həcmini açıqlamayıb. Lakin bildirib ki, beynəlxalq maliyyə qurumlarının vəsaitlərinin, o cümlədən Qara dəniz Ticarət və İnkişaf Bankının (QDTİB) kreditlərinin cəlb edilməsi nəzərdə tutulur.

Çərşənbə axşamı Bakıda "AzRosPromİnvest"in təsis etdiyi "Azbentizol" şirkətinin təqdimatı keçirilib. Təqdimatda məqsəd sahibkarların və dövlət müəssisələrinin nümayəndələrinin yeni tikinti materialı olan bentomatla tanış edilməsi olub. Bu material özündə bentonit əsasda geosintetik materialı ehtiva edir, yeraltı tikililərin, tunellərin, avtomobil yollarının, stadionların və s. tikintisində hidroizolyasiya üçün geniş istifadə olunur. Təqdimatda "CETCO Poland" şirkətinin nümayəndələri də iştirak ediblər.

Bentomatın əsas üstünlükləri aşağı sukeçiriciliyi, uzunömürlülüyü və zaman keçdikcə xüsusiyyətlərini itirməməsi, müxtəlif kimyəvi çirklənmələrə davamlılığı, ekoloji təmizliyi, asan istifadə olunması və digər keyfiyyətləridir.

"Azbentizol" MMC Azərbaycanda natriumlu bentonitlər əsasında bentomatların satışı ilə məşğul olan şirkətdir. Yaxın vaxtlarda şirkət dövlət qeydiyyatından keçmək üçün Vergilər Nazirliyinə müraciət etmək niyyətindədir. Şirkətin nizamnamə kapitalı 100 min dollara yaxındır.

Xəbər lenti

Xəbər lenti