Azərbaycan, Bakı, 19 iyul /Trend, müxbir N.İsmayılova/
Azərbaycan Mərkəzi Bankı (AMB) mayda (dövriyyədəki nağd pulların (banklardan kənarda), maliyyə təşkilatlarının (kredit təşkilatlarından başqa) və fiziki şəxslərin hesablarındakı milli valyuta vəsaitləri qalıqlarının) pul kütləsinin (M2) 2,6 faiz, 2010-cu ilin analoji dövrü ilə müqayisədə isə 30 faiz artdığını müəyyən edib. Bu barədə çərşənbə axşamı AMB-nin məlumatında bildirilir.
Belə ki, 2011-ci il iyunun 1-nə olan vəziyyətə görə, M2 göstəricisi 8392 milyon manat təşkil edib, mayın əvvəlinə bu rəqəm 8176,4 milyon manat, 2010-cu il iyunun 1-nə isə 6454 milyon manat olub.
2011-ci il iyunun 1-nə olan vəziyyətə görə, nağd pul kütləsinin (M0) göstəricisi 5610,3 milyon manat təşkil edib. Mayın əvvəlinə bu göstərici 5457,8 milyon manat, 2010-cu il iyunun 1-nə isə 4543,3 milyon manat təşkil edib.
Genişlənmiş pul kütləsi (Broad Money Supply (M3) iyunun əvvəlinə 11056,1 milyon manat olub. Mayın əvvəlinə bu göstərici 10760,6 milyon manat, 2010-cu il iyunun 1-nə isə 8929,8 milyon manat təşkil edib.
Sövdələşmələr üçün məbləğlər (transaction money (M1) iyunun əvvəlinə 6833,6 milyon manat, mayın əvvəlinə 6660,4 milyon manat, 2010-cu il iyunun 1-nə isə 5439,8 milyon manat olub.
İyulun 19-na olan rəsmi məzənnə 0,7862 AZN/USD təşkil edir.