Azərbaycan, Bakı, 23 iyul /Trend, müxbir A.Axundov /
Azərbycanda hazırlanan Tikinti və Şəhərsalma Məcəlləsində tikinti sektoru üçün bir çox yeni aspektlər öz əksini tapıb. Dövlət Əmlak Məsələləri Komitəsinin nəşr etdirdiyi "Daşınmaz Əmlak" jurnalına Milli məclisin "İnzibati və hərbi qanunvericilik" şöbəsinin müdir müavini Səyyad Kərimov bildirib.
Belə yeniliklərdən biri tikinti fəaliyyətinin müəyyən prinsiplərə tabe etdirilməsidir. Söhbət tikintinin şəhərsalma normaları ilə ətraf ərazinin memarlıq görünüşünün əlaqələndirilməsindən gedir", - Kərimov bildirib.
Hazıtıanan Məcəllədə nəzərdə tutulan digər prinsip ictimaiyyətin tikinti layihələri barədə onun tikintisinə başlanılmasındən əvvəl məlumatlandırılmasıdır.
"Bu və ya digər obyektin tikintisi müəyyən şəxslərin maraqlarına toxuna bilər. Bu nöqteyi-nəzərdən məcəllədə tikinti zamanı qonşuların və başqa şəxslərin maraqları əsas götürüləcək", - Kərimov deyib.
Onun sözlərinə görə, Tikinti Məcəlləsində tikilən binanın özünə də tələblər yer alıb.
"Buraya yanğın təhlükəsizliyi, sanitar-gigiyena qaydalarına uyğunluq, sağlam yaşayış mühitinin təmin olunması, süni və təbii işıqlandırma normalarına əməl olunması və s. daxildir", - Kərimov bildirib.
Bundan əlavə, onun sözlərinə görə, məcəllədə tikinti zamanı enerjiyə qənaət amili də yer alıb.
"Bu tələb Avropa Birliyinin direktivlərindən qaynaqlanır. Bu gün tikinti zamanı bu amil nəzərə alınmır, lakin məcəllənin layihəsində bu məsələ tələb kimi qoyulub", - Kərimov bildirib.
Məcəllə layihəsində habelə binanın tikiləcəyi materiallara da tələblər müəyyən edilib.
"Onlar ekoloji baxımdan zərərsiz olmalı və beynəlxalq tələblərə cavab verməlidirlər", - Kərimov bildirib.
Bundan başqa, onun sözlərinə görə, Azərbaycanda Avropa ölkələrində olduğu kimi ictoimai iaşə yerlərində, ümumi istifadədə olan yerlərdə hərəkət imkanları məhdud olan yaşlı və əlil şəxslərin obyektlərə daxil olmaları üçün xüsusi şərait nəzərdə tutulacaq.
"Məcəllədəki növbəti prinsip tikinti zamanı ətraf mühitin və ekoloji təhlükəsizliyin təmin olunmasıdır. Hazırda tikintiyə icazə verilərkən həmin tikintinin ətraf mühitə, ekoloji tarazlığa təsiri aydınlaşdırılmır. Bu prinsipə əsasən yolların çəkilməsi, iri obyektlərin tikilməsi zamanı əvvəlcədən ekoloji qiymətləndirmə aparılacaq", - Kərimov bildirib.
Tikinti Məcəlləsində tikintidə təhlükəsilziyin təmin olunmasına xüsusi diqqət yetiriləcək.
"Məcəllə layihəsində mədəniyyət abidələrinin qorunmasına da yer ayrılıb.Sənədə əsasən tikinti fəaliyyətini həyata keçirəndə ərazidə tarixi abidələrin olub-olmadığı, tikinti obyektlərinin tarixi abidələrə təsiri nəzərə alınacaq", - Kərimov bildirib.
...
