Azərbaycan, Bakı, 15 avqust /Trend, müxbir A.Axundov/
Kazan-Bakı marşrutu ilə hərəkət edən və bazar ertəsi səhər Şabran şəhərində qəzaya uğrayan sərnişin avtobusu bir saat ərzində Azərbaycan paytaxtına çatacaq. Trend-in məlumatına görə, bu barədə Bakı Beynəlxalq Avtovağzalından məlumat verilib.
"Qəzaya səbəb təkərin partlaması olub, onu dəyişdirdikdən sonra avtobus normal rejimdə öz hərəkətini davam etdirib", - avtobusun məxsus olduğu Bakı avtovağzalından bildirilib. Oradan qeyd edilib ki, beynəlxalq və şəhərlərarası reyslərə çıxan avtobuslar müntəzəm olaraq texniki baxışdan keçirlər.
Avtovağzaldan göstərilən avtobusun sərnişinləri arasında yaralananların olub-olmaması və onların vəziyyətinin necə olduğu barədə dəqiq məlumat verilməyib.