Azərbaycan, Bakı, 3 noyabr /Trend, müxbir N.İsmayılova/
Azərbaycan Vergilər Nazirliyində beş min manatlıq nizamnamə kapitalı ilə Latviyanın "RB Baku" investisiya şirkətinin ofisi dövlət qeydiyyatından keçib. Bu barədə cümə axşamı nazirliyin rəsmi saytının "bir pəncərə" bölməsində məlumat verilir.
Trend-in məlumatına görə, şirkət 2011-ci il oktyabrın 4-də qeydiyyata alınıb. Onun qanuni nümayəndəsi kimi İlqar Əliyev çıxış edir. Şirkətin təsisçiləri Latviyanın "Rietumu Banka" və "RB Investment" şirkətidir.
Latviyanın "Rietumu Banka" kommersiya bankı 1992-ci ildə yaradılıb. Bu, Baltikanın iri özəl banklarından biridir.
"Rietumu Capital Centre"nin mənzil-qərargahı Riqada yerləşir. 2004-cü ildə "Rietumu Banka" Rusiyanın "Eco Save" broker şirkətini alıb və yeni "RB Investment" investisiya şirkətini təsis edib.