Azərbaycan, Bakı, 22 dekabr / Trend, müxbir E.İsmayılov/
Çexiyanın hava yolları Praqa-Bakı-Praqa marşrutu üzrə birbaşa reysin həyata keçirilməsinə başlayıb. Bu barədə cümə axşamı Trend-ə "Azərbaycan Hava Yolları" QSC-dən məlumat verilib.
Məlumata görə, reys həftədə bir dəfə, həftənin bazar ertəsi həyata keçirilir. Təyyarə Bakıdan yerli vaxtla saat 05:05-də uçur.
Biletlərin hər iki başa minimum qiyməti təxminən 470 manatdır.
Bakı-Praqa-Bakı marşrutu üzrə birbaşa reysi "Azərbaycan Hava Yolları" QSC də həyata keçirir. Təyyarə Bakıdan həftənin cümə axşamları yerli vaxtla saat 08:40-da çıxır.
Biletlərin hər iki başa minimum qiyməti 450 manatdır.