...

Azərbaycan bankı islam bankçılığının inkişafı üzrə strategiya hazırlayır

Biznes və iqtisadiyyat xəbərləri Materials 6 Yanvar 2012 17:18 (UTC +04:00)

Azərbaycan, Bakı, 6 yanvar /Trend, müxbir N.İsmayılova/

Azərbaycan bankı "Nikoil Bank" ayın sonunadək 2012-ci il üçün islam bankçılığının inkişafı üzrə strategiyanı təsdiqləyəcək. Bu barədə cümə günü Trend-ə bankdan məlumat verilib.

"İşlənməsi artıq başa çatan bu strategiya islam bankçılığı məhsullarının inkişafına fokuslanacaq. Ümumilikdə, bank bu istiqamətdə yeni məhsulların işlənməsini davam etdirir, lakin yeni məhsulların bazara ilin ortasından tez çıxarılmayacağı gözlənilir", - bankdan deyiblər.

Bu gün bazarda yeganə islam bankçılığı məhsulu olan "Nikoil Bank"ın "Vadiə əd-Damənə" məhsulu özündə faizlərin hesablanmadığı əmanət depozitlərini ehtiva edir, vəsaitlər isə hesabdan istənilən vaxt silinə bilər. Bank məhsulu bazara ötən ilin mayında çıxarıb.

Hazırda "Nikoil Bank" "Vadiə əd-Damənə" üzrə xidmət təklif edən ilk Azərbaycan bankıdır. Əvvəllər islam bankçılığı üzrə xidmətlərin göstərilməsi ilə bağlı Azərbaycan Beynəlxalq Bankı, "Amrahbank", "Turanbank", "Texnikabank" öz istəklərini bildirmişdilər. Hazırda Azərbaycan Beynəlxalq Bankı islam bankçılığının xidmətlərinin tətbiqi üzrə məsləhətçinin seçilməsi məqsədilə tender keçirir və müvafiq qanunun hazırlanması təşəbbüsü ilə çıxış edib.

"Nikoil Bank" Azərbaycanda 1997-ci ildən fəaliyyət göstərir. 2008-ci ildə "Topaz İnvestments" şirkəti tərəfindən "Nikoil Bank"ın nəzarət paketi alındıqdan sonra səhmdarların iştirakı aşağıdakı kimidir: "Topaz İnvestments" - 53,1%, "Nikoil" QSC - 28,7%, "Uralsib-İnvest" MMC - 13,9% və "ISR Holding" - 4,3%.

Xəbər lenti

Xəbər lenti