Azərbaycan, Bakı, 16 yanvar /Trend, müxbir N.İsmayılova/
Azərbaycanın "AzMeCo" şirkəti metanol zavodunda istehsal ediləcək məhsulun hamısını ixrac etməyi planlaşdırır. Bu barədə bazar ertəsi Trend-ə "AzMeCo" şirkətindən məlumat veriblər.
"Hazırda "AzMeCo" metanolun həyata keçirilməsi üzrə "Vitol", "Transammonia", "Mitsui", BP, "Tricon", "Statoil", SABIC kimi iri offteyker şirkətlərlə danışıqlar aparır. Nəzərdə tutulur ki, zavodun bütün məhsulu offtekyerlərlə həyata keçiriləcək", - şirkətdən deyiblər.
Əvvəllər "AzMeCo" ixracata istehsal edilən metanolun təxminən 90 faizini göndərməyi planlaşdırırdı.
"İstehlak regionları formalaşan bazar konyukturasından asılı olaraq müəyyənləşəcək. Bununla belə, yaxın bazarlar Türkiyə və Aİ ölkələridir", - şirkətdən bildiriblər.
Metanol zavodu Cənubi Qafqazda və Orta Asiyada yeganə zavod olacaq. Zavod istismara 2012-ci ildə veriləcək. Metanol zavodunun tikinti layihəsinin ümumi dəyəri 360 milyon dollar təşkil edib və bu gün layihənin maliyyələşdirilməsi artıq başa çatıb. Zavodda tikinti işlərinin başa çatdırılması 2012-ci ilin mayına planlaşdırılıb.
Zavodun layihə gücü ildə 560 min ton təşkil edir. Şirkət, həmçinin qurğuların layiləşdirilməsini aparır ki, bu da atmosferə buraxılan karbon qazını tutacaq. Bu qaz metanolun istehsalında xammal ikimi istifadə edilə bilər.
"AzMeCo" 2007-ci ildə yaradılıb. Şirkət öz portfelinə Xəzər hövzəsindəki beynəlxalq karbohidrogen layihələrinin əlavə edilməsi ilə Azərbaycanın qeyri-neft sektoruna investisiya qoyuluşunun baş planını hazırlayıb.