Azərbaycan, Bakı, 25 yanvar /Trend, müxbir E.İsmayılov/
Azərbaycandakı bütün ictimai nəqliyyat növlərində bank kartları, həm də universal kartlar kimi məlumatları oxuya bilən, nəqliyyatda gedişhaqqının ödənişi üçün nəzərdə tutulan POS-terminalların quraşdırılması planlaşdırılır. Bu barədə çərşənbə günü Trend-ə Azərbaycan Nəqliyyat Nazirliyindəki mənbə məlumat verib.
"Hazırda ictimai nəqliyyatın bütün növlərində həm bank kartları ilə, həm də nəqliyyatda gedişhaqqının ödənilməsi üçün nəzərdə tutulan kartlarla ödəniş üçün uyğunlaşdırılmış (universal) terminalların tətbiqi məsələsi baxılma və prinsipial qərarın həll edilmə mərhələsindədir", - mənbə deyib.
Bir müddət əvvəl Nəqliyyat Nazirliyinin Nəqliyyat siyasəti və iqtisadiyyat şöbəsinin müdiri Sədrəddin Məmmədovun dediyi kimi, bu ildən etibarən Nəqliyyat Nazirliyi Bakının ictimai nəqliyyatında vahid gedişhaqqı ödənişi sisteminin tətbiqi üzrə işlərə başlaya bilər. Yeni sistem nəqliyyatın bütün növlərində gedişhaqqının ödənişi üçün vahid kartların istifadəsini və bununla bağlı xüsusi avadanlığın quraşdırılmasını nəzərdə tutur.
Nəqliyyatda vahid ödəniş sisteminə keçid prosesi birinci mərhələsi ötən ilin dekabrında işə salınan nəqliyyatın intellektual idarə edilməsi sisteminin tətbiqinin tərkib hissəsidir. İntellektual sistemin birinci mərhələsi Bakını, ikinci mərhələsi Abşeron yarımadasını, üçüncüsü isə Azərbaycanın bütün magistral yollarını əhatə edir.
"Ödəniş kartları üçün bank terminallarının tətbiqi çətin deyil. Lakin hazırda gündəlikdə universal terminalların tətbiqi məsələsi durur. Bununla əlaqədar dövlət orqanları tərəfindən yekun qərarın qəbul ediləcəyi gözlənilir", - mənbə deyib.
Onun sözlərinə görə, universal terminalların tətbiqi ilə bağlı qərar qəbul edilərsə, bankın seçimi tender əsasında həyata keçiriləcək.
Çərşənbə günü ölkənin Vergilər Nazirliyinin rəsmi mətbu orqanında yerləşdirilən məlumata görə, nəqliyyatın intellektual idarə edilməsi sisteminin tam şəkildə işə salınmasından sonra ictimai nəqliyyatda vahid ödəniş sisteminə keçid məsələsinə baxılacaq.
Xüsusi kartlar vasitəsilə ödənişi avtobuslarda, takisdə, metroda və hətta elektrik qatarlarında həyata keçirmək mümkün olacaq. Karta xüsusi terminallardan istifadə etməklə vəsait köçürüləcək. Yüklənmə üçün belə terminallar əsas nəqliyyat obyektlərində - metro stansiyalarında, avtovağzalda, dəmiryol vağzalında və aeroportda yerləşdiriləcək. İctimai nəqliyyatda plastik kartlardan istifadənin bir çox üstünlükləri var. Bu, sərnişinlər üçün ödəniş prosesini asanlaşdıracaq, sürücülərə gedişhaqqının əlaqəli toplanmasından qaçmalarına imkan verəcək, eləcə də sürücülərlə sərnişinlər arasında münasibətlərin sağlamlaşdırılmasına kömək edəcək.
