Azərbaycan, Bakı, 18 fevral /Trend müxbir A. Axundov/
Yanvarda Bakının təkrar mənzil bazarında fəallıq öncəki aya nisbətən yüksək olub. Bu barədə şənbə günü Trend-ə "MBA Group" konsaltinq şirkətinin baş direktoru Nüsrət İbrahimov deyib.
"Bu artım bazarda müşahidə edilən sabitliyin göstəricisidir və mövsümi dəyişikliklərlə izah olunur", - İbrahimov bildirib.
Onun sözlərinə görə, fəallığın azalması əməliyyatların sayına və bazardakı qiymətlərə təsir edib.
Yanvarda təkrar mənzil bazarında təklif 16,2 faiz aşağı düşərək 3555 otağa çatıb. Bağlanmış əqdlər 3,6 faiz azalaraq 461-ə, ekspozisiya müdddəti isə 6,1 faiz azalaraq 107 günə çatıb.
"Təklif portfelində ucuz mənzillərin payı 57,5 faizdən 58,3 faizə artıb, bahalı mənzillərin payı isə 42,5 faizdən 41,7 faizə azalıb", - İbrahimov deyib.
Onun sözlərinə görə, yanvarda təklif edilən mənzillərin çoxu Bakının Yasamal (24,5 faiz), Nəsimi (23,5 faiz) və Nərimanov (19,4 faiz) rayonlarında yerləşib.
"Təkliflərin böyük hissəsi yeni tikililərdə təmir edilmiş mənzillərdir (1275). Bundan başqa, satışa "Leninqrad" (525) və eksperimental layihəli (435) mənzillər, "xruşovkalar" (495), "stalinkalar" (354) və digərləri çıxarılıb", - İbrahimov deyib.
Onun sözlərinə əsasən, təkliflər portfelində birotaqlı mənzillərin payı 18 faizə, ikiotaqlı mənzillərin payı 33,5 faizə çatıb, portfelin böyük hissəsini isə üçotaqlı (37,8 faiz) mənzillər təşkil edib.
