Azərbaycan, Bakı, 22 fevral /Trend, müxbir A.Axundov/
"İcbari sığorta növləri haqqında" yeni qanunun tələblərinə uyğun olaraq, ötən ilin dekabrında Azərbaycanda yaradılan İcbari Sığorta Bürosu indki mərhələdə öz vəsaitlərini yerli bankların depozit hesablarında yerləşdirməyi məqsədəuyğun hesab edir. Bu barədə çərşənbə günü Trend-ə bürodan bildiriblər.
"Büroya yığılan 4 milyon manat yerli bankların depozit hesablarında yerləşdirilib. Bankların təklifləri öyrənilib və büronun Qəyyumluq Şurası səkkiz bank seçib. Sonradan həmin banklara bu vəsaitlər yerləşdirilib. Seçim müxtəlif kateqoriyalar - bankın sabitliyi, reytinqi, bazardakı payı, habelə irəli sürülən təkliflər (faiz dərəcələri və s.) üzrə keçirilib", - bürodan qeyd ediblər.
Bürodan bildiriblər ki, İcbari Sığorta Bürosunun investisiya portfelinin artması ilə vəsaitlər yeni alətlərdə yerləşdiriləcək, vəsaitlərin xarici bazarlarda yerləşdirilməsi də nəzəri cəhətdən mümkündür.
"Daxili bazar investisiya siyasəti baxımından hazırda daha cəlbedicidir. Hələlik onlar mövcud vəsaitləri mənimsəməyə imkan verəcək, daxili bazarda yerləşdiriləcək. Bu vəsaitləri digər alətlərdə (dövlət qısamüddətli istiqrazlar və s.) daxili bazara qoymaq da mümkündür. Hazıra belə variantlər nəzərdən keçirilmir, belə ki, depozit portfeli bu alətlərdən istifadə etməyin lazım olduğu həcmə qədər artmayıb", - bürodan deyiblər.
Buna qədər hələ ki portfel 10 milyon manata çatmayanadək digər alətlər nəzərdən keçirilməyəcək.
"Yəqin ki, bu, gələn il mümkün olacaq", - bürodan vurğulayıblar.
Mənbənin sözlərinə görə, portfelin bir neçə dəfə artması ilə büronun vəsaitlərinin idarə edilməsi üçün daxili menecerlərin cəlb edilməsi zərurəti yarana bilər.
"Onların xidmətləri olduqca bahalıdır və onların xidmətlərinə zərurətin yaranması üçün portfel o qədər böyük olmalıdır ki, onu artıq daxili bazarda yerləşdirmək mümkün olmasın və xarici bazara keçmək lazım olaydı. Əgər xarici bazara investisiya qoyulması haqqında qərar qəbul edilərsə, daxili tənzimləyicinin cəlb edilməsi mümkün olacaq. Hazırda mövcud məsələ nəzərdən keçirilməyib, bu, ancaq nəzəri cəhətdən mümkündür", - bürodan qeyd ediblər.