Azərbaycan, Bakı, 19 mart /Trend, müxbir Ə.Həsənov/
Ölkədə gömrük əmlakının satışı zamanı banklar Azərbaycan Risk Peşəkarları Assosiasiyasına (ARPA) kömək etməkdə maraqlıdırlar. Bu barədə bazar ertəsi Trend-ə ARPA-nın layihə üzrə meneceri Pərviz Məmmədov bildirib.
ARPA girov əmlakının satışı üzrə www.girov.az portalı yaradıb.
Azərbaycanın kredit təşkilatları həmin portal vasitəsilə onların mülkiyyətinə keçən girov əmlakının satışı üzrə elan verə bilərlər.
Hazırda portala üç bank qoşulub: DəmirBank, UniBank və AGBank.
"Hazırda assosiasiya başqa maraqlı banklarla da danışıqlar aparır, lakin onlar hələlik tələsmirlər, çünki onlar bu portalın işinin səmərəliliyinə əmin olmaq və daha sonra qərar qəbul etmək istəyirlər", - Məmmədov deyib.
Onun sözlərinə görə, əvvəlcə həmin xidmətlərin ödənişli əsasda göstəriləcəyi güman edilirdi, lakin bankların nümayəndələri ilə görüşlərdən sonra portalın test rejimində işə salınması və xidmətlərə görə pul yığmamaq qərara alındı.
Portalın məlumat bazasına çıxış pulsuz, elanların yerləşdirilməsi isə pullu olacaq. Portal satış barədə elanların yerləşdiriləcəyi dörd bölmədən ibarətdir: daşınmaz əmlak, nəqliyyat vasitələri, avadanlıqlar, biznes.
Girov əmlakının satışı üzrə elanı təkcə banklar deyil, həm də girov əmlakı olan, lizinq şirkətləri, müsadirə edilmiş əmlakı olan bazar iştirakçıları, o cümlədən kollektor agentlikləri kimi hüquqi şəxslər yerləşdirə bilərlər.
Assosiasiyadan deyildiyi kimi, portal vasitəsilə ən çox satılan girov əmlakı avtomobillərdir.
