Azərbaycan, Bakı, 17 aprel /Trend, müxbir A.Axundov/
Dubayın "Quantum Investment Bank" investisiya bankı Azərbaycanda işləməkdə maraqlıdır.
"İmkanların öyrənilməsi və əməkdaşlıq istiqamətlərinin müəyyənləşdirilməsi məqsədilə bankın nümayəndə heyəti ayın sonunda Azərbaycana səfər edəcək", - bu barədə çərşənbə axşamı Trend-ə Azərbaycanda İxracın və İnvestisiyaların Təşviqi Fondundan (AZPROMO) bildiriblər.
"Quantum Investment Bank"ın nümayəndələri yerli şirkət və banklarla görüşlər keçirəcək.
"Hazırda onların siyahısı və səfərin tarixi dəqiqləşdirilir", - fonddan deyiblər.
"Quantum Investment Bank" şəriət prinsipi ilə işləyən investisiya bankıdır. Bankın mənzil-qərargahı BƏƏ-nin Dubay şəhərində yerləşir.