Azərbaycan, Bakı, 1 may /Trend, müxbir Ə.Həsənov/
2012-ci ilin birinci rübü ərzində "AccessBank"ın depozit portfeli cari ilin əvvəli ilə müqayisədə 5,7 faiz artaraq 311,26 milyon manat təşkil edib. Bu barədə çərşənbə axşamı Trend-ə bankdan məlumat verilib.
Bankın aktivləri 391,4 milyon manat təşkil edərək cari ilin birinci rübündə 0,25 faiz artıb. Bankın kredit portfeli 5,6 faiz artaraq 128,04 milyon manat, o cümlədən fiziki şəxslərə verilən kreditlər 112,01 milyon manat (3,4 faiz artım) təşkil edib.
Birinci rübün yekunları üzrə bankın xərclərinin ümumi məbləği 19,89 milyon manat, gəlirləri 22,8 milyon manat, xalis mənfəəti isə 2,97 milyon manat olub.
2012-ci ilin birinci rübünün yekunları üzrə bankın nizamnamə kapitalı 67,8 milyon manat təşkil edib, məcmu kapitalı isə 1 faiz artaraq 91,24 milyon manata çatıb.
Hesabat dövründə bankın aktiv kartlarının sayı 1,4 faiz artaraq 19 803 ədəd təşkil edib.
"AccessBank"ın strategiyası kiçik və orta sahibkarlığa yönəlib, bank müştərilərin tələblərinə cavab verən maliyyə xidmətlərinin tam çeşidini təklif edir.
