Azərbaycan, Bakı, 5 iyun /Trend, müxbir A.Axundov/
2012-ci ilin sonunadək Azərbaycanda icbari tibbi sığorta mövzusuna həsr edilmiş konfrans keçirilə bilər. Bu barədə cümə axşamı Trend-ə Azərbaycan Sığortaçılar Assosiasiyasının (ASA) icraçı direktoru Azər Əliyev bildirib.
"Biz ilin sonunadək tibbi sığorta, habelə icbari tibbi sığorta mövzusuna həsr edilmiş yerli konfrans keçirə bilərik. İcbari tibbi sığorta mövzusu bizim üçün aktualdır. Məsələn, Gürcüstanda bazarın 70 faizi icbari tibbi sığorta hesabına təmin edilir", - Əliyev deyib.
Onun sözlərinə görə, icbari tibbi sığorta sahəsində islahatlar keçirməyə zərurət yaranıb. "Bunu ictimai və beynəlxalq təşkilatlar qeyd edirlər", - Əliyev qeyd edib.
İcraçı direktorun sözlərinə görə, ASA payızda sığortaçılar üçün növbəti olimpiada keçirmək niyyətindədir.
"Oktyabrda olimpiada baş tutacaq, həmçinin biz sığorta şirkətlərinin işçiləri və rəhbərləri üçün treninqlər təşkil edəcəyik", - Əliyev vurğulayıb.