Azərbaycan, Bakı, 19 sentyabr /Trend, müxbir A.Axundov/
Beş il ərzində Azərbaycanda ildə 3 milyonadək turistin yerləşdirilməsi məqsədilə hər cür şərait yaradılmalıdır. Bu barədə çərşənbə günü Trend-ə Azərbaycan Turizm Assosiasiyasının (AzTA) rəhbəri Nahid Bağırov deyib.
"2012-ci ildə Azərbaycana təqribən iki milyon nəfər gəlib. Hazırda ölkəyə turizm axınının illik artım tempi əvvəlki kimi 10 faiz deyil. Mövcud göstəricilər artır və turistlər üçün şərait yaradılmalıdır", - o bildirib.
Onun sözlərinə görə, bu gün əsasən qonşu ölkələr və keçmiş sovet məkanı ölkələri Azərbaycana böyük maraq göstərirlər.
"Ölkədə 500-dən artıq mehmanxana və mehmanxana tipli obyekt fəaliyyət göstərir, daha 40-nın tikintisi davam etdirilir", - Bağırov qeyd edib.
