Azərbaycan, Bakı, 24 sentyabr /Trend, müxbir C.Nəsibova/
Almaniya bankı "Commerzbank" Azərbaycan bankları ilə əməkdaşlığı genişləndirib və bu gün onların sayı 31-ə çatıb. Onların sırasına Azərbaycan Beynəlxalq Bankı, Paşa Bank, Xalq Bank, Unibank və başqaları daxildir. Bu barədə bazar ertəsi Trend-ə "Commerzbank"ın Azərbaycandakı nümayəndəliyinin rəhbəri Yohan Enqbrext bildirib.
"Commerzbank" yerli banklar vasitəsilə fəaliyyət göstərərək, habelə Avropa texnikası, o cümlədən Almaniya istehsalının tətbiq edildiyi Azərbaycandakı kommersiya layihələrini qismən maliyyələşdirir. Məsələn, bu çörək sexləri və avtobanların tikintisi üçün avadanlıqların təqdim edilməsindən ibarətdir", - Enqbrext deyib.
Nümayəndəliyin rəhbəri onu da bildirib ki, yaxın vaxtlarda bankın Azərbaycandakı nümayəndəliyini filiala çevirməklə bağlı planları yoxdur. Bir müddət əvvəl Enqbrextin dediyi kimi, "Commerzbank"ın gələcək planları ölkədə bank bazarının inkişafından asılı olacaq.
Qeyd edək ki, "Commerzbank AG" 2007-ci ilin noyabrında Bakıda nümayəndəliyinin açılması ilə bağlı Azərbaycan Mərkəzi Bankından lisenziya alıb.