Azərbaycan, Bakı, 29 sentyabr/Trend, müxbirlər E. İsmayılov, C. Nəsibova/
Azərbaycan layihələrin idarə edilməsi sahəsində inkişafa nail olub. Trend-in məlumatına görə, bu barədə şənbə günü Bakıda jurnalistlərə Layihələrin İdarə Edilməsi Beynəlxalq Assosiasiyasının (IPMA) prezidenti Roberto Mori deyib.
"Biz səfər zamanı layihələrin idarə edilməsi sahəsinin, neft-qaz sektorunun və ümumilikdə iqtisadiyyatın inkişaf etdiyini gördük" , - Mori qeyd edib.
Bu gün Bakıda IPMA-nın Direktorlar Şurasının iclası keçirilir. İclas sabah da davam edəcək. Azərbaycan 2011-ci ildən IPMA-nın rəsmi üzvüdür.
Morinin sözlərinə görə, iclasın gedişatında cari məsələlər ilə ynaşaı, IPMA-nın rəhbərliyinin, xüsusilə 2013-2014-cü illər müddətinə prezidentin seçilməsi keçiriləcək. Həmçinin üç yeni ölkənin IPMA-ya üzvlüyü məsələsinə baxılacaq.
IPMA-nın marketinq üzrə vitse-prezidenti Staysi Qoff (ABŞ) deyib ki, bu tədbir Azərbaycan üçün əhəmiyyətlidir, çünki layihələrin idarə edilməsi uğurlu inkişafın intizamıdır.