Azərbaycan, Bakı, 29 oktyabr /Trend, müxbir C.Nəsibova/
İstanbulda "Xarici ticarət körpüsü "Türkiyə - dünya ölkələri" adlı beynəlxalq sammit keçiriləcək. Sammitdə Azərbaycan nümayəndələri də iştirak edəcək. Bu barədə bazar ertəsi Trend-ə Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının (ASK) baş katibi Məmmədəli Əfəndiyev bildirib.
Tədbir bu il noyabrın 26-30-da Türkiyə Sahibkaralrı və Sənayeçiləri Konfederasiyasının (TUSKON) və Türkiyə İqtisadiyyat Nazirliyinin dəstəyi ilə keçiriləcək.
Sammit geyim, toxuculuq, dəri məmulatları və müvafiq avadanlıqların istehsalı kimi sahələri əhatə edəcək.
Qeyd edək ki, 2012-ci ilin yanvar-avqust aylarında Azərbaycanla Türkiyə arasında ikitərəfli əmtəə dövriyyəsi 1 309 535,4 min dollar təşkil edib.