Azərbaycan, Bakı, 22 yanvar /Trend/
Mərkəzi Bank yanında Azərbaycan İpoteka Fondu (AİF) altıncı emissiyadan faizli, sənədsiz, təmin edilmiş, adlı istiqrazların üçüncü hissəsini yerləşdirib. Trend-in məlumatına görə, bu barədə çərşənbə axşamı AİF-in yaydığı məlumatda deyilir.
Hərraca 5 milyon manatlıq istiqraz çıxarılıb, lakin tələbat təklifi 6,58 dəfə üstələyib.
İki investor tərəfindən 32,92 milyon manat məbləğində sifarişlər təqdim edilib.
İstiqrazlar 100,2000 nominal dəyərlə satışa çıxarılıb. İstiqrazların ödənmə tarixi 6 noyabr 2022-ci ildir.