Azərbaycan, Bakı, 23 yanvar /Trend, müxbir İ.Xəlilova/
Azərbaycan hökuməti ilə "Beynəlxalq Valyuta Fondunun yaradılması haqqında" sazişin IV maddəsi üzrə məsləhətləşmələr aparmaq üçün fevralın 26-dan etibarən Yaxın Şərq və Mərkəzi Asiya Departamentinin (MCD) müşaviri Raca Əl Marzuqinin başçılıq etdiyi Fondun ölkə üzrə missiyasının Bakıya səfəri başlayacaq. Bu barədə Trend-ə çərşənbə günü BVF-in Bakı ofisinin rəhbəri Aygün Qədirli bildirib.
IV maddə üzrə məsləhətləşmələr daimi əsasda hər il keçirilir.
"Səfər martın 12-dək davam edəcək və səfər çərçivəsində 2013-cü ildə Azərbaycan iqtisadiyyatının inkişafı istiqamətlərində perspektivlər və fəaliyyət müzakirə ediləcək", - Qədirli qeyd edib.