Azərbaycan, Bakı, 30 yanvar /Trend, müxbir A.Axundov/
Maliyyə Nazirliyi yanında Dövlət Sığorta Nəzarəti Xidməti bu il sığorta bazarında 20 faizədək artım gözləyir. Bu barədə çərşənbə günü Trend-ə Xidmətin sədri Namiq Xəlilov deyib.
"Bu il 2012-ci ildə olduğu kimi, ciddi artım gözləmirik. 2013-cü ildə artıma təsir edəcək elə də güclü drayverlər gözləmirik. Məsələn, ötən il bu qisimdə icbari sığorta tətbiq edilmişdi. Bazarda dərinləşmə və əhatənin genişlənməsi hesabına mükafatların 15-20 faiz artmasını gözləyirik", - Xəlilov vurğulayıb.
