Azərbaycan, Bakı, 2 aprel /Trend, müxbir E.İsmayılov/
"Flydubai" aviaşirkəti tərəfindən həyata keçirilən Dubay-Bakı-Dubay (FZ 705 - FZ 706) marşrutu üzrə iki aviareysdən biri 1 iyun 2013-cü ilə qədər ləğv olunub. Bu barədə çərşənbə axşamı Trend-ə Heydər Əliyev Beynəlxalq Hava Limanından məlumat verilib.
Gündüz saatlarında həyata keçirilən aviareys 1 iyun tarixinə qədər ləğv olunub.
"İyunun 1-dək aviaşirkət tərəfindən yalnız səhər saatlarında uçuşlar həyata keçiriləcək", - aeroportdan deyiblər.
Hava limanından aviareysin müvəqqəti ləğv edilmə səbəbini açıqlamayıblar.